حاجی گیان سەردەن ٢
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
1 خولەک
287 بینین
حاجی گیان سەردەن ...
مەعلووم بۆ جە لات زەمانە سەردەن
گرۆی ئەهل هەق جە بەردەڵبەردەن
وە دەست مونکیران دایم ڕەنگ زەردەن
چەو بۆنە مەڵڵا دەروون پڕ دەردەن
فەقێ جە دووریت هەناسەم سەردەن
عاجز و مەحزوون وەبێ هام فەردەن
دونیا بوڵاشغ یەکسەر گشت جەردەن
نێکان جەڕای هەق ئەرواح سپەردەن
جەو بۆنە وەیتەور یادم نەکەردەن
مەڵڵا گیر وەردەی مەسرەف و قەردەن
پەنامان وە زات شاهـ پشت پەردەن
زەمانە زەندیق دەور نامەردەن
فیرقەی یارستان یەکسەر بێ نەردەن
زەمیر یاران پاک و بێگەردەن
زومڕەی سیاهـ دڵ وێڵەن جە هەردەن
واسە مەزانی حاجی گیان مەردەن
ئەگەر عارش بۆ وێش بە وێش کەردەن
تائیفەی ئەی وەخت دەروون چون بەردەن
جە ڕای دینی یار هیچ ڕەنج نەوەردەن
دایم شەڕ و شۆڕ جەنگ و نەبەردەن
جیهان پڕ غەوغا جە تۆز و گەردەن
ئۆردو ئامادەن پەی شرق الاردنعەرەبی
جە دیوان هەق مونکیران تەردەن