حاجی وەفادار
بۆ مام موحەممەد
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
1 خولەک
353 بینین
حاجی وەفادار ...
ئەی نوور عەینم یار وەفادار
شەبان تا بە ڕۆژ نەدارۆم قەرار
جە خەوف خەتەر شای پەروەردگار
جە عالەم خاو پێم دریان ئینزار
پەی یاران مەبۆ بەرق غەزەب بار
چەو بۆنە ویتەور کەردەنم ئیخبار
فیرقەی یارستان تەمام بۆ هۆشیار
تۆ قاسیدەنی جاڕ دەر وەگشت یار
لاڵە بکەران تۆبە و ئیستیغفار
وەرنە لاشەمان مەبۆ تار و مار
سد لاڵە و ئامان نمەیۆ وە کار
کەلب یارستان بەندەی شەرمەراز
کۆتا خزمەتم دەروون پڕ ئازار
دەروونم وە تیر غاران بی زامدار
شکات قەبوڵ بی جە لای خاوەندکار
جەمیع ئەرازی مەبۆ وەیەیار
- -دەقی نائاشکرا چۆڵ مەبۆ ليس فيه ديارعەرەبی
جە ماهـ نەورۆز یام چە پەنجەی تار
یەک عەلاماتێ مەبۆ بۆ ئیزهار
مەڵڵا فیدات بام بۆ ئەی مەرد گۆ یار
دەروون گەورە بەر نۆش بکەرە ژار
پەرێ سەردانم وێت بکەر تەیار
مەبۆ حازر بی هەفتەیە یەک جار
سەد تەقەلا کەی جەی دونیای غەدار
ئاخرش هیچەن نمەیۆ وەکار
دایم ڕوو ڕەشەن مەرد تەمع کار
نەجات نمەدۆ فلس و پووڵ، دینار