حاجی دڵشادم
بۆ مام موحەممەد
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
2 خولەک
411 بینین
حاجی دڵشادم ...
وەهیممەت یار خەیلێ دڵشادم
چەمەڕای زهوور قاپی بەغدادم
وە ئومێد هەق دریان مورادم
مونتەزیر وە لوتف موشکل گوشادم
یاوان وە دیوان داد و فریادم
داخڵ وە ئەرکان ئابا و ئەجدادم
گا گاهێ تەسلیم گاهێ عینادم
دەخیلەن حاجی بکەر ئیرشادم
زات حەیدەرەن پەنا و ئیمدادم
خەیلێ زیادەن ئەشیا و مەوادم
گورفتار وە دەست قەوم شەدادم
تەعمیرەن شەهرم دەروون ئابادم
كاتب الفقيرعەرەبی شیرین سەوادم
وە ئەزەڵ دەیجوور هەن ئیعتیقادم
وەشەرت ئەزەڵ بەستەن بونیادم
کارخانەچی یار کۆنە گەوادم
دایم زیکری هەق ها چە ئەورادم
تەسلیم وە ئەرکان ڕای مەرگ و زادم
چەمەڕای ئیمداد زات فەرهادم
مورشید و ڕەهبەر بییەن ئەوتادم
کۆتا خزمەتم وەبێ ئوستادم
ناقیسەلعەقڵم هەم ڕەنج وە بادم
غەی ئەز هەقیقەت نییەن ئیرادم
پەرێ دین یار چە ئیجتیهادم
دەست و دڵ تەییار وە ئیعتیمادم
شەرت - -دەقی نائاشکرا بی ئیستیشهادم
سر و ماڵ توفەیل جەی ڕا نیهادم
غافڵان خاو گشت مەبۆ نادم
یەعنی پەشیمان چون قەوم عادم
زاتی - -دەقی نائاشکرا وە ئیستینادم
یاران گشت بوزرگ بەندە چون خادم
جەی سەردی ساعەت دەروون ئیجمادم
ڕەهبەر جۆش دەرۆ کوورەی حەدادم
جاسووسی ڕای دین وێنەی سەیادم
داخڵ وە سفووف ئۆردی جیهادم