بەندەی بێ سەروەت نەی موڵک تۆپزاوا
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
1 خولەک
429 بینین
بەندەی بێ سەروەت نەی موڵک تۆپزاوا
خەریک و خەرکاو ماوم لەم ناوا
وەجەهد سەرف کەردم نوور دوو چاوا
پەی خزمەت ئەکراد کوردستان ماوا
هەی داد چێش کەرۆن ڕاستی نەماوا
میرزا و نامیرزا مایل پڵاوا
هەر فەردێم نویسنا وە زووخ هەناوا
واتن بێهوودەن بدەش وە ئاوا
جە داخا قیرتاس قەڵەم کیتاوا
گشتم نا وەتۆی بوخچەی پەناوا
هەرکەسێ بەیەو باچۆ بوانە
مەکەریش وەپەن ڕیسوای زەمانە
مەڵڵا وەس واچە گفتەی نا مەوزوون
بنویس پەی یاران شیعر وەک ئاڵتوون