یارستان ئیتیفاق
لە کتێبی:
شیعرەکانی حیلمی کاکەیی
بەرهەمی:
حیلمی کاکەیی (1882-1966)
1 خولەک
338 بینین
یارستان ئیتیفاق ...
چەنی یەک بوودێ یەکسەر ئیتیفاق
بتەرسدێ چە خەوف پادشای ڕەزاق
وەز بدەی کەلام مەکەردێ مەزاق
سوپای حرس و نەفس بکەردێ ئیتلاق
خانەی هەزاران خاپوور کەرد نیفاق
رازق المرزوقعەرەبی مەدۆ ئیستیحاق
چەنی یەک مەکەن جەنگ و ئیستینتاق
هەر کەس وە گرۆی وێش بییەن ئیلحاق
فیرقەی یارستان دایم ناتیفاق
یاران یاوەران قەلبم بی ئیحراق
چە دووری دیدار یار ئیشتیاق
دادم نەیاوان وە هەفتەمین تاق
ئەی وەفا داران کارم بییەن غاق
شەش جیهەت یەک سەر لێم بی ئیستیغلاق
کەی زائیل مەبۆ یاڕەب ئەی فیراق
مەکەرۆ ڕەجای صاحب البراقعەرەبی
وەرنە زیانی مەدۆمان شەلاق
هەزاران ئاما ساحێب تەمتەراق
چەی دەریای فانی نگوون بی ئیغراق
ئیکمال بکەردێ ئەسباب و سیراق
کافییەن مەڵڵا تەتویل ئەوراق