ئەمان جانا ئەوا مردم لە حەسرەت ماهی تابانت
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
475 بینین
ئەمان جانا ئەوا مردم لە حەسرەت ماهی تابانت
ئەپرسی ئاری تێبەردام شەرارەی ئاری هیجرانت
دەناڵێم وەکوو بولبول لە دووریی ڕووی گوڵت دائیم
بە ڕیسوایی ئەسوڕێمۆ لە عیشقی سەر بە داستانت
بزانی گەر بە ئەحواڵم لە دەورەی دووری باڵاکەت
موحەققەق ئێزن ئەدەی ئیتر بە بێ خۆف بێمە دیوانت
ئەمە مەعلوومە تۆ ڕەحمت نییە هەرگیز لە دەرحەق من
ئەزانم ئەمکوژی ئاخر بە غەمزەی چاوی فەتتانت
دەسا تو بی و خوا تا کەی بە خوێنی دڵ موداراکەم
بفەرموو با شەهیدم کەن فەڕەنگ تابووری موژگانت
ئەترسم بیشمرم ڕۆژی قیامەت یەخەگیرم بی
لەوێشدا ڕێم نەدەی بێ خۆف کە بێمە ناو شەهیدانت
ئەگەر ڕەحمێ بە حاڵی من نەکەی ڕۆژی جەزا شەرت بێ
وەکوو مینەناسناوی ئەدەبی لە دیوانی خوادا بێمە مەیدانت