هانا ها وە لات پەیکەکەی سەحەر
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
442 بینین
هانا ها وە لات پەیکەکەی سەحەر
بەیۆ ئیمدادم درەنگی مەکەر
وە کزەی سەبوون دووری باڵای یار
مەگریۆم ئێدەن چون شەرارەی نار
مەخێزۆ گڕ گڕ ئاهر نە جەستەم
کەردەن وە قەقنەس جەستەکەی خەستەم
ئامان سەد ئامان نەسیم سا وەختەن
با وە ئیمدادم دەردەکەم سەختەن
تۆی دەروون جە سەیل زوخاو بیەن کەیل
گڕ وستەن نە دڵ کزەی دووری لەیل
کوورەکەی دەروون وە خاشاکی خەم
ماڵاماڵ بیەن مەسۆزۆ کەم کەم
شەرارەی ئاهر دووریی شین لێش
دووی هەناسەی سەرد جەلا مەدۆ پێش