هەر کەسێ کورد بێ بە کوردی ژیابێ
بۆ شێخ مەحموود
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
381 بینین
هەر کەسێ کورد بێ بە کوردی ژیابێ
بەو شەرت بە زۆڵی لە داک نەزابێ
گەر دەی ڕزێنت لە بنی خانان
تیر بارانی کەن بە گوللە باران
بۆچ هەر ئەو مەعنای کوردی ئەزانی
بە دەرزی دای لە مێشکی لاوانی
هەر ئەو بوو حەقی کوردی گوم نەکەرد
زوان بە ئای کورد تا ئەو ڕۆژە مرد
کوردێکیش بە ڕاس گەر کورد بێ ناوی
ناوی شێخ مەحموود وا لە سەر چاوی
کوردێ کە بۆ ئەو دڵ پڕ دەرد نەبێ
ئەوە بە بێ شک ئەبێ کورد نەبێ