ڤەژینبوکس > حەمدی > دیوانی حەمدی > ص > تۆ دوژمنی گرۆهی وەفایی بە ئیختیساس

تۆ دوژمنی گرۆهی وەفایی بە ئیختیساس

لە کتێبی:
دیوانی حەمدی
بەرهەمی:
حەمدی (1876-1936)
 1 خولەک  1213 بینین
زمان:
کوردیی ناوەندی
قاڵب:
غەزەل
کێش:
مفعولُ فاعلاتُ مفاعیلُ فاعلن––∪/–∪–∪/∪––∪/–∪–
مضارع مثمن اخرب مکفوف محذوف
ڕاپۆرتی هەڵە
فۆنت:
تۆ دوژمنی گرۆهی وەفایی بە ئیختیساس
زیاتر لەگەڵ منا بە جەفایی بە ئیختیساس
پێم خۆشە بمکوژن لە بەهایی خوێنما ڕەزام
توهمەت نەکەن بە شەرتێ کە ناوی بنێن قیساس
وەک زەڕڕە بۆ شوعاعی جەماڵت ڕەقس ئەکەن
وەک خۆر چ حاڵەتێکە فیرارت لە عام و خاس
ئەو شۆخە هەوری ڕەحمەتی زەحمەت کە بێتە جۆش
بنواڕە بەختی خۆت و بە دڵتا نەبێ ئیخلاس
حەمدیناسناوی ئەدەبی لە بادە لادە بەڵام هەر بە یادگار
یەک جورعە مەی بمێنێ کە عومرت بکا خەلاس