وەتەن عەزیزە دەخیلە مەڵێن گڵی خاکە
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
362 بینین
وەتەن عەزیزە دەخیلە مەڵێن گڵی خاکە
گڵی کلێکە سورمەیی عیوونی ئیدراکە
مەڵێن تەحجیری کردووە لە ئاو و گڵ بەردی
بڵێن کە جەرگی شەهیدانی کوردی بێ باکە
خەڵقی حەقە بە دیجلە بڵێن ئاوە لێڵ و وێڵ
چەشمەی ڕەوانی ئێمە ڕەوان قیبلەیی پاکە
شاخی درێژی سەددی سکەندەر نیشان ئەدا
گردی ستوونی بەرزی سەراپەردەی ئەفلاکە
گەر گوڵشەنی نەپشکوێت و نەڕازێنەوە چەمەن
حەقیانە کورد دەمێکە پەشێواو و غەمناکە
حەمدیناسناوی ئەدەبی دەناسی تورک و عەجەم دیارە ئەجنەبیش
دوژمن بە خاکی کوردن ئەمانەت کە دی ڕاکە