چەخ چەپ چەنیم ڕاس بەستەن کەڵەک
لە کتێبی:
ئەو شیعرانەی دراونەتە پاڵ مەولەوی
بەرهەمی:
مەولەوی (1806-1882)
1 خولەک
1031 بینین
چەخ چەپ چەنیم ڕاس بەستەن کەڵەک
مەر من سەنگم دان وە مینای فەڵەک
دایم پەرێو من ها نە بەهانە
گاهێ «ئەسفەهانناوی تایبەت» گاهێ جە «بانەشوێن»
نمەدۆم فرسەت ساتێ وەبێ خەم
گەرد پاڵاکەت بماڵوون وە چەم
یا شەوێ شین کەم جە شەو ناڵینت
یا ڕۆیێ ڕۆ کەم وە زاری و شینت
یا ناڵەم چەنی ناڵەت بخێزۆ
یا دیدەم ئەسرین پەرێت بڕێزۆ
یا شەمەی جە شەرح دووری دووبارە
داخ و هیجر و وەسڵ دڵەی سەدپارە
عیشوە و کریشمەی حۆری جەمین گوڵ
عەرز کەم وە پابۆس پەی تەسکین دڵ
چەپگەرد نمازۆم دەمێ فەراقەت
سا خوا یا وەسڵ، یا مەرگ، یا تاقەت