لاونامەوە
لە کتێبی:
ئەو شیعرانەی دراونەتە پاڵ مەولەوی
بەرهەمی:
مەولەوی (1806-1882)
1 خولەک
866 بینین
لاونامەوە، لاونامەوە
دیت چەنی فەڵەک لاونامەوە؟
نە بۆتەی فیراق تاونامەوە
چوون مەجنون وە نەجد یاونامەوە
ئایر کەرد وە سەر پووش جەستەمدا
نمەک کەرد وە بان پەترۆ بەستەمدا
دڵ لەت لەت کەردەن ئەڵماسەکەی دەرد
کوت کوت مەڕفانۆش وای هەناسەی سەرد
هەور چەم هەر یەند هووناوان مەتەن
سەبتم جە لوح المحفوظعەرەبیدا شەتەن
تەنوورەی دەروون جۆشش ئاوەردەن
لاو هەرەس گرەو جە تۆفان بەردەن
کەشتیی وجوودم هانە تەلاتوم
هاو وەختەن هەستیم نە چەم کەرۆ گوم
هاڵی بۆ گۆشەی بەزم مەینۆشان
بشوون وە حەڵقەی جەرگەی خامۆشان