مناجات مؤلف کتاب رحمة الله علیە

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  629 بینین
«فەقێ دڵناسناوی ئەدەبی» پەی حاڵ وێت بکەر زاری
بناڵ جە درگای حەیی داداری
تەڵەب کەر نەجات جە شای بێ نیاز
بدۆ نەجاتت جە بەند مەجاز
حەق دەواش سازان پەرێ هەر عیللەت
تەوبەی نەسووحەن دەوای مەعسییەت
ها ئیقلیم شەرع وەیتەور بی مەخشووش
نەمەند جە سوڵتان زەمیر شەوق و شووش
جە بەند مەجاز چەند کێشای زەیقەت
فیرار کەر نە جا پەرێ تەریقەت
عەقڵ کول سوڵتان موڵک و تەریقەن
سالیک عیرفان، قوتب حەقیقەن
مورشید ڕەشید، قوتب ئەقتابەن
ئەحمەد نیشانەن، نۆدێ ئەلقابەن
سەیید عەسرەن، ڕەجول ئەمجادەن
خەدەمەی دەرگاش قوتب و ئەوتادەن
بنیش نە سایەش نە پەردەی بەیعەت
بگێرە مەقسوود، مەبین فەزیحەت
یاحەق بە حورمەت «سیدالانامعەرەبی»
عەتا کەر بەلوتف مەقسەدم تەمام
مەر ئەوسا سوڵتان ڕۆح بۆ سەرئەفراز
گێرۆ ئینتیقام جە نەفس و مەجاز
وەرنە باقییەن مەغدووریم یەکسەر
مەمانۆ مەرام بە «یوم الحشرعەرەبی»
«فەقێناسناوی ئەدەبی» فرسەتەن سا سوڵتان ڕووح
ئەوساف ڕەزمش باوەر بە فتووح