تالیع و بەخت
لە کتێبی:
دیوانی مەلا مارف کۆکەیی
بەرهەمی:
مەلا مارف کۆکەیی (1875-1945)
1 خولەک
484 بینین
هەموو شتێک لە جیهاندا بە تالیع و بەختە
چ دەوڵەتە چ فەقیری حەسیرە یا تەختە
لە بیرمە کەڕەمی تۆ دەگەڵ گەلێ ئەشخاس
لە سەد تمەن کەم و کەسری نەبوو وەکوو مەختە
لە بەختی خێری منا شەش تمەن کە شەش پووڵە
لەسەر دڵت چ گرانە چ زەحمەت و سەختە
ئەمن چ مەتڵەبم نییە ئیللا کە عەرزت کەم
وەفا لەبۆ نوجەبا زیب و زیوەر و ڕەختە