موسابەقەی کەرسواری
لە کتێبی:
دیوانی فایق بێکەس
بەرهەمی:
فایق بێکەس (1905-1948)
1 خولەک
602 بینین
خۆتان لابدەن بۆ ئەسپی تازی
با نەختێ بۆتان بکەم ڕمبازی
بژی کەرەکۆڵ چەند نەشئە بەخشی
بەهەیبەت کەری، بەهیممەت ڕەخشی
قوربانە، سادەی بێرە چوار ناڵە
هەرچی جۆیەکت خواردبێ حەڵاڵە
ڕووی خۆت سپی کەی لەناو ئەم خەڵقە
دەخیلە نەم خەی لەم جێگا ڕەقە
گوێ قوت کەرەوە و کلک ڕاوەشێنە
هەرچێکت تیایە لێرە بینوێنە