رد العجز الی الصدر
لە کتێبی:
بەدیع و عەرووزی نامی
بەرهەمی:
مەلا عەبدولکەریمی مودەڕیس (1901-2005)
1 خولەک
544 بینین
هەر لە جۆری ڕازاندنەوەی لەزییە. «رد العجز الی الصدر» واتە گێڕاندنەوەی دوا بڕگەی وتار بۆ سەرەتاکەی، وەک لە فەرموودەی خوادا کە ئەفەرموێت: «و تخشی الناس والله احق أن تخشاء».
«نامی» ئەڵێ:
دیارە لە ئەهلی دنیا ئەترسی
تەنیا لە خودای تەنیا بترسە
بۆچی ئەترسی لە عەمر و لە زەید
تەنیا لە حەقی خودا بپرسە
مەترسە لەوەی لە خوا ئەترسێ
لەوەی ناترسێ لە خوا بترسە
***
عاشقی دنیا پێی مەڵێن عاشق
عاشقی خودا پێی بڵێن عاشق