شینگێڕێ
شینێکی کورت بۆ کۆچی دوایی حاجی ڕەحمان ئاغای موهتەدی
لە کتێبی:
خەوە بەردینە
بەرهەمی:
سوارە ئیلخانیزادە (1937-1976)
1 خولەک
1586 بینین
هەڵدەگرێ بکەینە داد و هاوار
بگرین بەکوڵی دڵی بریندار
جێی خۆیەتی با لەش ئاگرین بێ
سوێی خۆیەتی دڵ پڕی برین بێ
ئوستادی مەرامی کورد ویستیم
هۆی هۆنەریی و هونەرپەرستیم
پێنووس کە پەسندی تۆ دەنووسێ
بەرپێ لە ڕەشاوی دڵ دەخووسێ
گوێ بگرە ڕەفیقی دوور وڵاتت
ئەو شیعرە دەنووسێ بۆ خەڵاتت
تەرمت کە دەچێتە گۆڕخانان
هەڵدەگرێ هەڵی گرن بە شانان