ڤەژینبوکس > بێخود > دیوانی بێخود > ت > ئەوا ئەی شەمعی بەزمارایی دین پەروانەکەی خۆت هات

ئەوا ئەی شەمعی بەزمارایی دین پەروانەکەی خۆت هات

لە کتێبی:
دیوانی بێخود
بەرهەمی:
بێخود (1879-1955)
 1 خولەک  2098 بینین
زمان:
کوردیی ناوەندی
قاڵب:
غەزەل
کێش:
مفاعیلن مفاعیلن مفاعیلن مفاعیلن∪–––/∪–––/∪–––/∪–––
هزج مثمن سالم
ڕاپۆرتی هەڵە
فۆنت:
ئەوا ئەی شەمعی بەزم ئارایی دین، پەروانەکەی خۆت هات
بە شوعلەی ئاگری ڕووت جەرگ و دڵ بوریانەکەی خۆت هات
لەبەر دەردی موخالیف بێنەوا وەک نەی ئەناڵێنم
بە شۆری شەوقی تۆوە سینە پڕ ئەفغانەکەی خۆت هات
بە ئوممێدی شەکەرخەندێ لە غونچەی لێوی شیرینت
بە لالەی ئەشکەوە وا دیدە پڕگریانەکەی خۆت هات
بە گۆزەی پڕ لە ئاوی دیدە و گەسکی موژە قوربان
لەبۆ تەنزیفی ڕێگەت خادیمی ئاسانەکەی خۆت هات
ئیتر بۆ خاتری ڕیشی سپی شێخی ضیاء الدینناوی تایبەت
عیلاجێ! ڕووڕەشم، موستەغریقی عیسیانەکەی خۆت هات
لە ئیکسیری نیگاهت مشتەخاکێ من نەکەی مەحرووم
کە بۆ ڕەمزێکی چاوت بێ سەر و سامانەکەی خۆت هات
ئەمن قِطميرناوی تایبەتی ئێوە و ئێوە اَصحاب الرَّقيمناوی تایبەتی من
لەبۆ کەهفی ئەمانت وا سەگی دەرگانەکەی خۆت هات
فیدات بم بێ خەڵاتی مەعنەوی ئەم جارە قەت ناڕۆم
بە هەدیەی نەعتی تۆوە وا قەسایدخوانەکەی خۆت هات
بە فیکری ئیلتیفاتی ئاسکەکەی شێرئەفگەنی چاوت
بە دەشتی شارەزوورناوی تایبەتا بێخودناسناوی ئەدەبیی دێوانەکەی خۆت هات