خشۆک
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
810 بینین
چەن هەزارێکی ئەتۆ، ساڵی لە سەرما دەمرێ
سەد ئەوەندەش جگەری، ڕێڕەوی گەرما دەبڕێ
باسی خنکانی کەسانت لە ڕووبار و دەریا
لە هەموو کۆمەڵ و جێگا، لە گۆوارا دەلەرێ
خۆ ژمارەی نییە منداڵ و ژنی پیاوی گەلت
بێ ئەجەل وا لە هەموو لایێ بەگۆڕا دەنرێ
کە نەهاتێکی کلو و تەرزە وو سن دێتە سەرت
هەر وەکو پەلکی گەڵا زیندەوەرت هەڵدەوەرێ
ڕێگە وو پرد و گەڕۆک و، بەهەموو لایێ خشۆک
بکرێ چارەیی ئەم زیللەتە، ئەوسا دەکرێ
لە وڵاتت چ کرا، نۆکەری تورکان بووی ئەتۆ
لە هەموو ڕێگەیی خۆیان، خشۆکیان دەفڕێ
مردەیی زیندەیە گەل، لێک تەوەججوهـ هەڵسێ
گەر نەجووڵێتەوە گەل بۆ خۆی، ئەسیریناسناوی ئەدەبی دەمرێ