کەوان
لە کتێبی:
گوناهـ
بەرهەمی:
عەلی حەسەنیانی (1939-1992)
1 خولەک
1956 بینین
کەوان
بە دەنگی: سەید خالد ئیمامی
دوو چاوی تۆ وەکوو جووتەی کەوانە
برۆکانت بەرەو سینگم کەوانە
بەیانان قاسپەقاسپی پێکەنینت
لە گوێی مندا لە گوێن قاسپەی کەوانە
هەزار خۆزگەم بە دەرزیلەی بەرۆکت
کە بۆ ئەڵماسی بەروێت دەرکەوانە
وەبیرم دێ کە بۆم هاتبوویە ژوانێ
هەچی دەمکرد ئەتۆ دەتگوت کە: وا نە
خەمم هێند زۆرە بۆم نایەتە پێوان
بە سەد پێوانە و کیلە و کەوانە
ئەگەرچی پیر و داماوم ئەوێستێش
دڵی من هەر بە ئاواتی کەوانە