هیجران بارە وێم
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
652 بینین
هیجران بارە وێم ...
دایم تەن زوخاڵ، هیجران بارە وێم
ڕەنگ زەرد و زەبوون، دڵ ئازارە وێم
چوون زامەت داران، زەدەی مارە وێم
بە نێشی نەشتەر، دەروون ڕێشە وێم
تا بەڕۆی مەردەن جەفا کێشە وێم
بە زووخی زامان، دەروون کەیلە وێم
سۆزان چوون مەجنوون پەرێ لەیلە وێم
وێڵی ئەربەت گێڵ، مەنزڵ بەڕە وێم
با سەر خەم دایم دیدە تەڕە وێم