سۆسەنێ مەبۆ سۆسەنی وەش وەخت
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
698 بینین
سۆسەنێ مەبۆ، سۆسەنی وەش وەخت
بەرمەیۆ نەپای تەختەی وەفری سەخت
گا لاشۆ وە شین مماڵوو جەمین
گا پەل مەکەرۆ بڵاو نە زەمین
گا لوولوو و کرژەن چوون زەڕین کڵاو
گا باد مەکەرۆش پەل جە پەل بڵاو
هەردان مەکەرۆ بە دەشتانی چین
جە ڕەنگی دیدەی مەحبووبی ماچین
شێوەی ئەو سۆسەن ها بەو دیدەوە
بەو گۆنای گوڵڕەنگ بەرگوزیدەوە