زڵێخام دارۆ
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
494 بینین
زڵێخام دارۆ ...
شەستی تۆ مایەی زیندەگی دارۆ
با بەیۆ فێشتەر، جە هێزی ئارۆ
نەبا دڵ جە داخ گیانش بسپارۆ
پەی چێش بە پەیکان تۆ ژیانمەن؟
وەرنە نەمەندەن وەختی گیانمەن
ئازیز با بەیان خەدەنگان خاس خاس
پەیاپەی پەی پەی ژارالووی ئەڵماس
هەم بشان بشان بە ڕشتەی جەرگم
هەرتاکە بەرشۆ خۆفی ڕۆی مەرگم
شیەنم نە دڵ چەندە پەیکانێ
جەو بۆنە مەمەندەن نیمە جە گیانێ
فیدات بام، جە شەست مودارات نەبۆ
زیندەگی بەخشەن مەودای تیری تۆ