دارای خەمانم
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
927 بینین
دارای خەمانم ...
سەرقەیتوولەی خەم، دارای خەمانم
خەم بیەن بە مار پەی ڕیشەی گیانم
نێشی خەم شیەن نە ئیستیخوانم
خەم ماڵ، خەم میرات، خەم جیهانمەن
خەم بەختی دەوڵەت جاویدانمەن
مەتای خەم داروون کاڵا سەد وێنە
سەرمایەم خەمەن، خەمم خەزێنە
پادشام خەمەن، خم بیساتمەن
جە بارگەی گەردوون خەم خەڵاتمەن
سککەی خەمناکیم بە خەمناک کنیا
تەپڵی کووسی خەم، خەمناکیم ژنیا