چراغم دەس ڕەس

لە کتێبی:
دیوانی بێسارانی
بەرهەمی:
بێسارانی (1643-1702)
 1 خولەک  649 بینین
چراغم دەس ڕەس ...
دەست نەداروو بە وەسڵت دەس ڕەس
بە چێوێ مەبۆ خاتر شاد هەر کەس
شادی و زەوقی من، خەیاڵی تۆن بەس
موفلیس مەنیشۆ، خەیاڵ مەکەرۆ
بەو خەیاڵ گەنجێ بەهەم ماوەرۆ
ئەوسا مەبەرۆش خەیاڵ وە جایێ
نمەیۆش وە چەم چوون خەسرەو شایێ
منیچ ئەو موفلیس، وەسڵی تۆن گەنجم
هەرتا زیندەنان پەرێت نەڕەنجم
لازم یا مەشوون، سەر بە ڕەنجدا
یا ڕەنج مەبەرووم، پا بە گەنجدا