بەی گشت دەردەوە
لە کتێبی:
دیوانی بێسارانی
بەرهەمی:
بێسارانی (1643-1702)
1 خولەک
1213 بینین
بەی گشت دەردەوە...
بەی گشت زامەوە، بەی گشت دەردەوە
بەی جەستەی خەمین ڕەنگی زەردەوە
ها جە نەو قەبرم ئاوا کەردەوە
ئامانەن ئەو سا وە قەبرم بەران
نیشانەی جەستەی خەستەم بکەران
بە وەڵگی خەزان بپۆشان سەنگم
تا نیشانە بۆ جە زەردیی ڕەنگم
کۆنە کەمانان باوەران وە بەر
هەر یۆ خەمتەرەن بنیانیم وەسەر
بنیانیم وەسەر کۆنە کەمانێ
ئەو جە قامەتم دارۆ نیشانێ
تا وینان یاران چەفتی کەمانم
بزانان کوشتەی دەردی خەمانم