کە سووتا هەروەکوو پەروانە باڵم
لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
1 خولەک
1153 بینین
کە سووتا هەروەکوو پەروانە باڵم
بڵێن قیروسیا وێرانەماڵم
سەری تۆ خۆش کە سەرداری مەهانی
ئەمن ها بێ سەروسامانە ماڵم
ئەمن بووم بولبولی باغت ئەمێستا
لە داخی ئەم گورۆی نادانە لاڵم
کە بێبەش بووم وەکوو مەجنوون لە باوەش
بە بەردی سەختی سەربەرزانە پاڵم
بە شیرینی شەهیری عالەمێ بووم
لە عەهدی سوستی نامەردانە تاڵم
سەرم گۆیە لە مەیدانی وەفادا
لە ئەو لای ئاخری دەورانە داڵم
وتی گەر زوڵفەکەیشم بەرکەنار بێ
وەکوو دامێکە دانەدانە خاڵم
وەکوو تاهیرناسناوی ئەدەبی لە گەشتی کێو و دەشتم
بە سەیدی ئاسکی ئەم هەردانە زاڵم