ئەی شافیعی ڕۆژی مەحشەر دەستی من و دامانی تۆ
لە کتێبی:
دیوانی مەزڵووم
بەرهەمی:
مەزڵووم (1916-1955)
1 خولەک
666 بینین
ئەی شافیعی ڕۆژی مەحشەر، دەستی من و دامانی تۆ
ڕوو سیاهـ و پڕ گوناهم دێمە حزوور دیوانی تۆ
تۆ مەحبوب و هەم ئەقدەسی، من ئەسیم و شەرمەزار
غەرقی بەحری مەعسیەتم دەخیلی تۆم ئامانی تۆ
شیفای دەردم لە لای تۆیە ئەی ڕەحمەتەن للعالەمین
خۆت ئەزانی و چارە سازی دەردی من و دەرمانی تۆ
نییە شیفای دڵی زارم، ڕوو سیاهو بێ قەرارم
مەگەر بۆ خۆت بکەی چارەم یا پادشای گەیلانی تۆ
دڵ حەزینم هەر وەکوو نەی بۆ فیرقەت ئەناڵێنێ
ئینتیزاری لوتفت ئەکەم، عاشقی تۆم حەیرانی تۆ
من عاشق و حەیرانی تۆم، ئەی سەیدی مەولای من
دەرکراوو دەربەدەرم لەسەر خوان و ئەیوانی تۆ
لە دیوانی ئیتاعەتا مەزڵوومناسناوی ئەدەبی کوێری بێ گۆچانە
ڕێنما و عەسای دەستم لوتفی تۆیە و ئیحسانی تۆ