خۆزگە سەد خۆزگەم بەوەی مەیلی بە دڵداری نییە
لە کتێبی:
دیوانی عارف عورفی
بەرهەمی:
عارف عورفی (1896-1961)
1 خولەک
688 بینین
خۆزگە سەد خۆزگەم بەوەی مەیلی بە دڵداری نییە
ئەو کەسەی یاری نەبێ مەعلوومە ئازاری نییە
من لەژێر باری غەما عەینی کەمانە قامەتم
خوا پێداوی وایش هەیە ڕووقائیمە باری نییە
خۆ بە شمشێری برۆ و موژگانی دیدە کوشتمی
هێندە بێ شەرمە وەفاکەی پار و پێراری نییە
چاو تەمای بینی نەماوە بێ تەماشای ڕوویی ئەو
غەیری تەسلیمی قەزا بێچارەیە چاری نییە
قەولی زۆری داوە پێمان هیچی نەیهێناوە جێ
وادە تێپەڕ بوو لە دوو ساڵ نیمەکرداری نییە
باغی جوانان پڕ لە سەرو و عەرعەر و عوود و چنار
حەیفە ئەم باغە جوانە داری بەرداری نییە
حمدللهعەرەبی موددەتێکی زۆرە ڕەنجوورە ڕەقیب
هێندە گیانسەختە چ فایدە دەردەکەی کاری نییە
ئەم خەیاڵاتە هەموو هیچە ئەگەر ڕاستت ئەوێ
ڕێگەیی چاتر لە قاپیی حەزرەتی باری نییە