çiraxim! cey řo

Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
 2 Xulek  706 Dîtin
çiraxim! cey ro, çiraxim! cey ro
min ce řoy ezeł metersam cey řo
mizanam gerdiş î çerx bê po
mekerom meḧrûm ce dîdarê to
řoy wesiłit her bîm ey řuwe pêm bî
cewbo her řořo xudêm bî
ha, fełek ئەۆڕۆ nîşan daden pêm
ay tirsyagekey gîr’awerde wêm
îse, kê taqet dûrî to daro? !
dek berq ẍezeb û bextim waro !
pey çêşen î ’umir tałter ce jare
î e’zay bê serf meynetan pare
çûnke koçmen ce dîdarê to
heryek wederdê ba giriftar bo
dîdey newîno her seḧer dîdet
nedyo we xałan qudret řejîdet
ewdîde we nêş nêşter kinyabo
bîna’îş wêney zołifit syabo
zwanê herşew çenît nebo bas
fereq fereq bo çon siftey pełas
destêw negêłu ne toy pelkanit
gaga nekero şaney zołfanit
ew deste gestey mar peř jarbo
wegazê maran letar letar bo
goşê nejnewo řêzey řazê to
ew çifey wenerim dił newazê to
herpey êd xasen etruş bo derbes
bada, neşno wehnî deng kes
welḧasił jyan bê dîdarê to
bedteren cemerg, newnemamê no
«eḧmedNasnava edebî» umêdiş be danay dawer
ya taqet, ya merg, ya wesłê diłber