wêsałim pey to

Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
 2 Xulek  645 Dîtin
wêsałim pey to, wêsałim pey to
arezûm byen wêsałim pey to
ce hêcirit çon ney menałim pey to
qorban! kes nebo weḧałim pey to
sertapa siftey zoxałim pey to
hîç kafir nebo weḧałim pey to
dîdem per esrîn bê nûren pey to
baney erwakem xapûren pey to
sitarey meḧbûs deycûren pey to
bê keyfîm nekeyf mesrûren pey to
neḧucrey xemda melałim pey to
hîç kafir nebo weḧałim pey to
ebdał kogerd mecnûnKesm pey to
dêwaney deyrî meḧzûnim pey to
ce ẍayet beder zebûnim pey to
wenîm nêgayê memnûnim pey to
şikesten hem saq, hem bałim pey to
hîç kafir nebo weḧałim pey to
azîz, lał byen zibanim pey to
çun qeqnes derûn biryanim pey to
qed dalî daxî, kemanim pey to
beden bêzaren ce gyanim pey to
nyen cay melca, mecałim pey to
hîç kafir nebo we ḧałim pey to
şîrîn, min mecroḧ ewgarim pey to
ferhad koken zamdarim pey to
bê kes, bê hamdeng, bi ê yarim pey to
min diłsozî zar, ẍe mixiwarim pey to
bołenden nałem zołałim pey to
hîç kafir nebo weḧałim pey to
leylî min! derûn piř meylim pey to
qeys qetran berg doceylim pey to
wekoy necdewe ebdałim pey to
hîç kafir nebo weḧałim pey to
geday gor ẍerîb şaranim pey to
awarey weten yaranim pey to
weḧiş efsordey ẍaranim pey to
pa, peř êş nêş xaranim pey to