qîblem xał tom
Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
2 Xulek
705 Dîtin
qîblem xał tom, qîblem xał tom
be qur’an qesem kuştey xał to
zamdar xestey pay desmał tom
ser’î, şeyday dest lal bał tom
pêkyay peykan mujey syay tom
bê hoş û xamoş welay dyay tom
ce ro bê xorak şew bê xaw tom
er musołmanî, dił kewaw tom
eger ḧał zanî, min bi ê ḧał tom
sen’anim azîz, dîn be tał tom
şêtim hem şeyday yexey waz tom
fîday egrîcey mêqraz gaz tom
qeys eragêł dîde y mest tom
meḧbûs dusax hem pabest tom
behram! ta weḧşir nimedpoş tom
qurban! min ẍułam ḧełqegoş tom
ferhadKesê koken, cefaberdey tom
’ałem mizano wêł û herdey tom
kesim nemerden ’azyet bar tom
dûrwa dûr ce to giriftar tom
cefay bê sifat azîz ta wekey?
boy serdî wefat azîz ta wekey?
takey řoxsarim zerd bo wêney bey
takey henasem beyo peyapey
takey çon mecnûnKes lung xem poşim
takey çun kûrey ahîr bicoşim
takey leylekem bergim pełas bo
takey ten řêze řêzey ełmas bo
takey hêcranit bey tewr carî bo
takey xedengit ne dił karî bo
takey bergekem qełaxî poş bo
takey ’eyş û noş celam xamoş bo
er mirwetit hen wesen kafyen
çîne zyater bê ênsafyen
wesen, kafyen sewł sayedar
reḧmê ker weḧał î bendey hejar
takey ce zwan lał bo pey ḧałit?
reḧmê wecestey siftey ewdałit
hey zeřřey siftey lêwe bimano
meşhûr bo ne’am gişt ’ałem zano
gişt ’ałem zano zedey şest tom
qatił! min meqtûł dîdey mest tom
mohren weselam «eḧmedNasnava edebî » dax ne dił
azîz! samaze dax bero we gił