pîrî hezar dad
Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
2 Xulek
811 Dîtin
pîrî hezar dad, pîrî hezar dad
pîrî ce destit sed car hezar dad
waweyla ce dest cewr û cefa û dad
text cwanîm yekser day webad
kem kerdey bînay sumayî çeman
qamet wêney ney xem bî çun keman
ew şêwey reftar çun kebik kosar
îse natewan wêney keftekar
roxsar per nûr şefaf abdar
çirç û qirç kerdî çun syadewar
kus şinwam êse bê goşen
’eqił û fam celam gird feramoşen
nîşaney pîrîn, temam xał xasan
çun bad zelan celam tewasan
taq cwanî temam nazaran
bikerûn keçî leyl û neharan
bende fermayan ce emrê ferman
bîn wequrbanim çun quç qurban
be pîrî kerden û pîrim qesem
pêm razî nîn, hawar wecesem
ce obohet zorê cwanî
şêr û pełengan mekerdim fanî
her bîmarî ye şefayê dîyen
sebeb her bîyen, cwanî nyen
pîrî ce destit sed car hezar dad
şewq cwanîm yekser day webad
zor pencey pa ce şewan tar
megêłam çun berq re’dê newwehar
êse çun xerçeng řûy roşnayî
yek weceb řamen ce kem bînayî
qetarey dendan saf sedef bêz
kel û kom kerdî wistenit ce hêz
ewdem çun xunçey ’etir ’enberîn
kerdî kiławey sya çun qîrîn
xetey zirê poş wenewşey baxim
kafûrî kerdî ce dest daxim
daran kafûrî moşk fam wirîn
ewîç warnay ne sefḧey serîn
text bext zewq taq cwanî
pîrî çêşt kerd, kerdenit fanî
çend xesrewKes şahan newciwan zeř
çend meh cemînan zułf bo ’enber
çend leylê weşan, çend şîrîn şêwe
ferhadKes û mecnûnKes pêşan bî lêwe
pîrî dax nyay û cwanîşan
tał kerdî temam zêndeganîşan
gişt dax ḧesret neber nwêşten
pey cwanîşan sîmay xem reşten
pîrî ce destit sed car hezar dad
text cwanîm yekser day webad
hewr arezûm girmino baran
ne berim senden, ne nîşî xaran
herta xelas bo «eḧmedNasnava edebî» esîrî
cwanî nimebo, hawar ce pîrî
pîrî, herta ke ser nenyo wegił
daxê cwanî û pîrîş hane dił