newroz
Li pirtûka:
Le Kořî Xebata
Berhema:
Goran (1904-1962)
1 Xulek
1513 Dîtin
ey netewey kawey zincîr qef qef biř!
řojî newroz day be hewrî zistan, diř!
germî û jîn û şadîy hêna be dyarî,
kurdî xiste cejnî tazey beharî
pûş bu be gya, çîlkey bax bû be darguł,
le wişkesî kanî kewte qułe quł
gułałey deşt, nêrgizî mest, wenewşe,
wek pêşengî behar kewtûne geşe,
ełêy peley perdaxtî newrozyane,
bo cejnî kurd ew gułaneş sozyane
herwek siruşt agadar bê: ke kawe
çi řencêkî bo azadîy gel dawe!
herwek melan be ḧewawe bizanin:
ke be sardî çen day çekuş le asin!
ta zincîrî ejdehakî le gerdin
neteweyek damałî pîkî asin!
şewî dîlî bû be řoj, xem be şadî,
zistan geřa be beharî azadî...
ey hawçîn û hawnetewey kawey merd!
toyş be bazûy xebatî sextî wek berd,
şeřfiroş û împiryalîst û napak,
wa dapłose ke yeksan bin legeł xak;
îtir hergîz ser hełnebiřn wêney mar
hengiwînî jîn le mirov piř ken le jar!