cejnî newroz
Li pirtûka:
Siruşt û Derûn
Berhema:
Goran (1904-1962)
2 Xulek
1283 Dîtin
be sûřêkî tir estêrey însan gir,
qewmî konî xistewe cejnî agir,
kam qewmî kon, kam cejnî berz û pîroz?
qewmî madî! cejnî biłindî newroz!
ew newrozey ke hezaran behare,
le dêy kurda giřî agirî dyare,
bawbapîrman, heta eřon piştawpişt,
lem agireyan dewre dawe, çîn çîn, gişt!
le çwardewrî em agire: řengawřeng
koř gîrawe, be pêkenîn û aheng;
bangî şêwan hetakû berbeyanî,
çopî buwe û bezim û noş û goranî!
lewsayewe, ta êstake bem çeşne:
hemû serî sałî tazeman cejne;
mîwanî kon beřê ekeyn û taze,
be pêkenîn egate ber derwaze!
xoşît hêna û feřit hêna û şîrînî...
to bo ême beheştî xewbînînî!
be hatinit bay bestełek, befrî deşt,
gyanî sipard; gułî řwa cêgay geşt
le tarîkî, le çwardîwarî zistan,
serferaz bît, serferaz bû melî gyan!
êsta - oxey! - asmanêke û hetawê,
gyaye û gułe û mele û xuřey çemawê
çî xoştire lewey tebî’et cwan bê?
mawey sirinc panayîy gişt asman bê?!
gyanî sermest, bałdarî řêy hîwa biř,
berz bêtewe be pełey hewr bida diř;
bifřê, biřwa bo kurdistanî awat,
mandû nebê, her biřwat û her biřwat
heta egate lûtkey şaxî serbest,
bê zincîrîy gel ebînê û ebê mest!