24 se’at

ledway teqe, dway kuştinî
hîway gyanî birayetî
dway xwardinewey xwênî diłî
daykî biřway, kurdayetî
ledway xewî
piř wiřêney hełbizřikaw
ledway şewî
bê’aramî, dił hełtûtaw
lenaw pêxefî nasora
le beyanîy bebê xora
wekû dwênêy leş sardusiř
wekû hemû řojêkî tir
zistanî çaw, bikerewe
lapeřeyek le temenî
sûtawî ke, hełberewe!
le fermana bo nanî tał
nanî řeşe xêzanî mał
yexey gêrmewkêşe bigre
bikewere çeney betał
wişey swaw binûsewe
binêştî qisey tifit û tał
her wekû xoy, bicurewe
sał ledway sał!
se’atjimêr wird wird eřwat
temen legeł xoyda ebat
pyaw, leser kursîy temełî
hemû gyanî bawêşk edat
řeftar, dûşeşî topîwe
qise, zît û řapeřîwe
bînîn, çawî kutukwêre
des, denkî tezbîḧjimêre
xeyał, aza û poşte û têre!
wa bałî girt, se’at fiřî
nîwey řêgay zewî û mangî
dûrî biřî
bełam hêşta lelay ême
- kořî eznîf û domîne -
be şwên çend xałêkî bexta
doşdamêne!
řûy lapeřey zerdî nexoş
çawî qisey piř firmêske
daykî hewałekan, řeşpoş
xem serpişke.xwênî dêřî řijawî kurd
cogeley kird
be ser nawçewanî basa
wa têkeł bû, legeł gomî
- xwênî lawis û vêtnama -řûy lapeřey sûrî xwênîn
wişey diłyan piř le soze
lepaş kuştin, hêşta ejîn
meşxełî desyan, newroze.wêney - zîndûy - xwênmijekan
çawşořî damênî peřn.
wêney - mirdûy – şehîdekan
seyrî asmanî berz eken.