dił wedaxewe
Li pirtûka:
Dîwanî Welî Dêwane
Berhema:
Welî Dêwane (1826-1881)
1 Xulek
892 Dîtin
dił we daxewe, dił we daxewe
îmşew xerîk bî dił we daxewe
ce dax ew «şemKes» şewçiraxewe
ta ama bawê ce êłaxewe
badê çun nesîm řewzey řizwanî
quwet bexiş řoḧ sed sał fanî
nesîmî nefes «mesîḧ»asa bê
teskîn bexiş zam diłşinasa bê
hem şarezay řay şay şem cemîn bê
dos perwanan xatir xemîn bê
şemîmê ce ’etir zułf şem ew şew
dane řûy demax perwaney bê xew
persam ey nesîm subxêz sara
demax ce boy ’etir zułf «şem» dara
dewendey têjbał sara seyranî
řahnimay řehber řagey ḧeyranî
ye çonit zana min îmşew mat bêm
«perwane»y peşêw ḧebis zułmat bîm
kê şemîm ’etir «şem» nimana pêt?
ey bo awerdî nesîm kêda pêt?
wat: ey perwaney peř suxtey melal
ten xestey eyyam xuřřemî wîsał
minîç wêney to me’tûf «şem» bîm
ce boy ’etir şem derûn piř ẍem bîm