çiraẍim neser
Li pirtûka:
Dîwanî Welî Dêwane
Berhema:
Welî Dêwane (1826-1881)
2 Xulek
995 Dîtin
çiraẍim ne ser, çiraẍim ne ser
her min nîm sewday ’eşq to ne ser
qêblem gişt ’ałem ce min zyadter
nesewday ’eşqit wêłen derbeder
we herca meşon her bas to bê
her kes dîm ne fikir heras to bê
namit ne defter diłberan tacen
şahan ḧesretmend, geda muḧtacen
çen musłimanit wenaḧeq kuşten
nîgat ne cerg çend bêdił nîşten
çend muřşîd şeyda, çend sofyan mat
matin ne sewday ’eşqit gişt xêłat
«feqê»t řiswa kerd, «meła» sergerdan
«derwêş» diłřêş wêłen ne herdan
perwane destûr bułbuł şeydaten
diłey derdedar her nesewdaten
qêblem çun teswîr tersay cam cemîn
şêx «sen’anKes»t wergeřa ce dîn
xudawend ew řo ḧusnê we to da
sofyan saf giştida we koda
ce çemen hey dad, ne seḧra hey řo
dad û bêdaden gird ne des to
ne xêłan ẍewẍa, ne şaran şoren
her kes dîm her dîm toşeş zerûren
er ferhad er qeys bizanan xeber
dûbare ce xak «ełḧed» medan ser
مەێûن wey ẍewẍay qyametewe
we seyr baẍçey îqametewe
ta ke zindenan şay şem cemînim
dêwane û ẍembar dił matemînim