baweřekeman...

baweřekeman ferman nîye besermana dasepabê,
le qûłayîy diłmana řegekanî daçeqîwe
egerçî le azar zawe û le guşarî pêwîst,
bełam êsta: ebexşê hêz, ebexşê berî şîrîn
baweřekeman le řojî here tarîka geyşte firyaman
le katêka ke barî serşanî gel êcgar qurs bû
be biłêsey giřî lenîn řûnakîy têkewt,
îtir... êmey xiste ser taqe řêgay řast
řûbeřûy merg leber baranî gulley dujmina westayn,
leber her dirextêka parçeyekyan le leşman piçřî,
demî dapçiřawî birînekanyan piř kirdîn le lim.
nîşaney daxekanyan hêşta be singimanewe dyare.
ne tifengiman hebû, nekereman çing ekewt,
«giranî» be xwar û jûrî gwê çemî «vułga»da dizeloqey ekird.
le katêka karbedestanî «nîp» fîzyan efroşt.
be bergî poşte û destî emûstîledarî naw destikêşewe.
beramberî tews û twancyan le êmewe bînînyan bû be çawî sûk.
be zebrî řenc her xoman nizîk exsitewe le amanciman.
be pêçewaney gêreşêwênîy, pirojekanman hatne ber:
kełeke bû genmî zor, asin û połay zor, xełûzî zor!
le paştira bêgane hat bo heł lûşînî xakekeman,
we bo bînînî heres hênanî kutirpiřman,
le katêka ke derzîye her zû tîjkirawekey hîtler
be nawî «mosko»da eçeqî leser xerîte!
kuřane westayn le řûy destey teqekera,
piř be wirgyan pêman noşîn jarawî «tołe».
řaste postałekanyan besermana quney kird,
bełam połay xwastiman hergîz nenûştayewe boyan.
le naw cergey xołemêş û tep û tozî şeřa
baweřekeman be hêzî pitrewe serî berizkirdewe
hemû layekî dinya dengî dayewe,
le katêka ême hełmankuta bo serkewtinî êcgarî
fiřufêłe xişkêyîye pyawkujekanman daye ber nûkeşeq,
nemanhêşt destî çiłkinyan řejîmî sovyetî giław kat.
em baweřey ke twanîy beramber be lafaw û biłêse bwestê,
ke řastîy xoy derxist hem le şeřa û hem le aştîda,
le êmewe becê emînê be mîrat
ke řaber bê û îlham der bê
bo piştawpiştî lawanî wiłat!