beharî taze
Li pirtûka:
Guɫaɫey Merîwan
Berhema:
Qani (1898-1965)
2 Xulek
817 Dîtin
emřo ke mewsimî seyranî newbeharîye
emřo ke řojî destey yaran û yarîye
emřo ke řojî zewqe le erbabî ehlî dił
em řoje řojî qehqehî camî xumarîye
emřo ke řojî keyf û nîşate le ’alema
emřo ke řojî cejnî hemû kurdewarîye
damênî kêwekane lesed řeng ał û wał
ser bendî şaxekane be guł nadyarîye
feřaşî bay şemałe çemen zîb û feř eda
zura’î hewrî tałe xerîk awî yarîye
her xunçeye be keyf û demaxe leser çiła
her bułbułî hejare ke îş û karî zarîye
her dengî defe be ’eyşewe wa ḧesreta ełê
her řengî kefe le nehc û miqamanî narîye
her gwêye piř ebê le sema’î řubab û ney
her nefse zil ebê le şerarat û marîye
her mêşke piř ebê le xeyałî weten weten
her kurde mat ebê ke çilon derdî karîye
her kes le jînî xoy betewawî mufereḧe
îla ke êşî kurde kizî û berde barîye
zełme esîrî cewr û nezanîn le ’alema
şelme ke eşkî ḧesret û nałînî carîye
tacî nigîn û ’izzetî ber bade tanceřo
sîrwane eşkî xwênî be lêłî fwarîye
kwêstanî kurdistane be giryanewe ełê
ey way ay hay çi derdêkî karîye
qani’Nasnava edebî le ḧesretî xizmanî kurde her ełê
em kare karî kurde newek karî barîye