hergîz nabezim
Li pirtûka:
Dwanî Şêrî Şehîd Osman Ozêrî
Berhema:
Osman Ozêrî (1936-1966)
1 Xulek
443 Dîtin
dujmin nek kot û sizadan
nek azarî sextî zîndan
nek zincîrî qef esturit
nek daxî wek pişkoy sûrit
nek sêdare û gulle û petit
yan kuştinî be zîlletit
herçî tînit tyaye
beranberim bîxeyte řû
leweş zyatir diřindane
ber bîte em kurdistane
ew baweřey le diłmaye
le gyanmaye, le xwênmaye
bêsûde le to natirsêm
bo zordarîşt nabezêm
ewendeş biřwam pitewe
ta ser, em tarîkeşewe
bo to nalwê û her namînê
kurd ḧeqî xoy her estênê
řoj le dem kel ser derdênê
em řojanet webîr dênêt
êmey kurd ke ledayk bûyn
kurdayetîy goşî kirdûyn
leber ewey xoşîy jyan
ser û mał û xêzan û gyan
hîçî be hîy xo nazanîn
hemû bextî kurdistanîn
bextî kurdayetîy berzîn
heta mirdin nemam berzîn