agirî newroz
Li pirtûka:
Dwanî Şêrî Şehîd Osman Ozêrî
Berhema:
Osman Ozêrî (1936-1966)
1 Xulek
316 Dîtin
îsk û pirûsk û laşey şehîdan
hîy sawa û law û pîr û afretan
giştî pêxor û biřiştin emřo
kurd be destî xoy hemûy kirdûn ko
le tewqî serî lûtkey kołnedan
bûne xermanî dyarî têkoşan
ew xwêne ałe pîrozeş ke kurd
bê çawçinokî řijandî be gird
le řêy řizgarîy em kurdistane
benzîn û newtî sûrî sûtane
bo kirdinewey agirî newroz
be gişt biřwawe be dił û be soz
qiłpandimane ser serapay xerman
ca be henasey sextî daykekan
be qirçey cergî cerg biřawekan
be kiłpey sozî gişt awarekan
giř ber’edeyne a ew xermane
ke laşe û êsk û xwênî xomane
giř û meşxełî ba berz bêtewe
şewqî ba zemîn gişt bigrêtewe
bizanin ême ke cestey xoman
ekeyne çiray řêgay têkoşan
xoman ebîne sûtemenî û giř
xoman ebîne meşxeł û agir
agirî newroz wa ekeynewe
girewî jyan her ebeynewe