karwanî řizgarî
Li pirtûka:
Dwanî Şêrî Şehîd Osman Ozêrî
Berhema:
Osman Ozêrî (1936-1966)
4 Xulek
482 Dîtin
seretay serhełdanî şořş bo «mam celal» û hawřêkanî witrawe
be’estem gwêm le sazêke
le neẍme û le awazêke
berew êre řê kewtuwe
milî řêgay wird girtuwe
wirdewrde dête pêşê
zyatir serinc řadekêşê
wa dête gwêm ke ew denge
ew awaze dengî zenge
ke hate pêş dîm karwane
karwanêkî bargirane
bargewbiney hełpêçawe
tenge û pałûy girê dawe
karwane wan hemû şengin
şêwey gurcugoł û mengin
serinc le her kamyan edey
azayetî tya dî dekey
lêm pirsîn berew kwê eçin?
wityan kake berew mirdin
berew mirdin, çon wa ełên?!
boçî êwe kawanî kwên?
nembîstuwe heta êsta
kes xoy berew mirdin biba
yekêkyan nwêxetî dabû
kilêtey larî leser nabû
tifengêkî le şanda bû
fîşekdanî lexo dabû
pestekêkî merîwanCihy
řankuçoẍey hewramanCihy
wełamî da witî: têtgeyenim bira
em karwane gewrey ke to
seyrî dekey kewa deřwa
zor leser xo
karwanî kurdayetîye
nek karwanî çerçêtîye
bełkû amancî mezne
giringe, nek mirdine
berew mełbendî řizgarî
tekan deyat be hoşyarî
way danawe ke her kospê
le berdemda û leser řê bê
têkřa pelamarî bideyn
koł nadeyn ta textî dekeyn
ême ke hatûyne karwan
xêzan, jyan, lawêtîman
giştîman nawete lawe
ta yekêkman zîndû mawe
ta karwan be mełbend negat
nabê kesman wiçan byat
laşman řûne û baş dezanîn
heta be mełbend şad debîn
řêga zor samnak û sexte
geştin be mełbend dû bexte
beşî zorî negeyştuwe
be diłnakamî mirduwe
bełam çunke lew řêgaye
jyanman la bêbehaye
ba sextîş bê be baweřîn
em řêgaye her debřîn
bijîn dek le dewrtan geřêm
řêgem deyen legełtan bêm
minîş hawbeşî karwan bim
legeł êwe řêge bibiřim
berew řêy ew mełbende
ke jînî kurdî pê bende
wekû êwe xom bext kem
legełtana kosp kosp textî dekem
minîş kurdim, kurdperstim
le xwên û mêşk û hestim
kurdayetî awêteye
qurbanî bê herçîm heye
zerdexeney ser řûy
xoş û dilawer leser řûy
hemûyana kêşra
pêyan witim giştyan têkřa
fermû fermû
legełmanda toş řêkewe
fermû hawdeng be legełmana
em karwane hîy kes nîye
kes natwanê be hîy xoy ka
bełkû karwanî gişt kurde
karwanî dirişt û wirde
betaybetî ew kurdane
ke hemîşe û diłsozane
jyan leser lepî destyane
karwançîn û xo be xawenî dezanin
ca biray kurd toş detwanî
legeł ême hawbeş bibî
fermû bira xot gurc kewe
legeł êmeda pêkewe beřêkewe
eřoyn têkřa karwane beyn
wiçan nayeyn heta degeyn
legełyana ke kewtime řê
bełam çî řêgayek leber naçê
hemû hewraz û çyaye
barîkeřê û lapêy tyaye
ewendeş sext, pêç û dołe
mirov le řê xoy lê kołe
leber diřindeş hemû řê
ebê destit leser pê bê
serincim dawe desteyek
le pêşewe cwan yek be yek
wird bûmewe leser řêyan
le řoyn û cilubergyan
zor hoşyar û qareman bûn
be wirdibînî bo pêş deçûn
ledway ewanewe karwan
milî řêy eda bêwçan
ewane bûn pêşřewekey pêşewe
demzanî qet sił nakenewe
le řêy geyştinî karwana
gułî gencêtîyan dana
her kesêkyan behemîşe
le layan bibû be pîşe
lenaw karwanda degeřan
bê çaweřêyî hanyan deyan
ba řêgakeş wa sext bê
diłnya bin degeyne cê
zorbûnî ew kospane
kar nakate ew gyanane
ke wek połan řêge debiřn
be jyanyan geştin dekiřn
hemû karwan nasyarin
ke pêşřewî řastyanin
her be pêşeway ewan
be bîr û azayîy ewan
karwanekey becê egat
řêgay mełbend bizir nakat