namirin
Li pirtûka:
Dwanî Şêrî Şehîd Osman Ozêrî
Berhema:
Osman Ozêrî (1936-1966)
4 Xulek
623 Dîtin
leser zarî yekê lew pałewanane witrawe ke le dwa teqey şořşî mehabadCihy pîrozda beşdar buwe her le yekem řojyewe heta kotayîy komarî dêmukiratî kurdistan û jyanî pêşeway kurd qazî miḧemmedKes û perjubławey şořişgîřanî kurd lew parçe pîrozey kurdistanî gewreda ew hevałeş be diłêkî piř le so û sozewe basî helwêstêk lew helwêstane ekat ke lebîrî naçêtewe.
řojanî kotayîy cenge
êwareye řoj direnge
minîş le katî şeřa bû
katî cengîn û hera bû
kawey hawřêm lê bizir bû!
řeşe řahat bo kwêwe çû?!
nazanim kwa, çî beser hat?
kujra yaxud le ceng hełhat?
biřwaş nakem kewa hełbê
yan ewende leş temeł bê
birîndar bê û boy kewtibê
eştirsim zamekey zor bê
netwanê le sengera hełsê
xoy bo zamekey xistibê!
serim le senger hełbiřî
řwanîm kaweKesm nekirde dî
çawim biřye a ew cêga
kewa kawe ecengê tya
seyrim kird wa beřûy cenga
lew sengerey lêy ecenga
laşeyek serew jêr buwe
kujrawe gyanî derçuwe
firmêsk le çawma qetîs ma
serim gêj û waqim wiřma..
lepiř dame piřmey giryan
zanîm kujrawe kawe gyan
be henasey qeqnesmewe
be nizûley bêkesmewe
emut bimirin gişt zordaran
nemênê taqyan le cîhan
bimrê zorî dagîrkeran
leser mîlletan û gelan
wa em karesate ekat
miroy benirx lenaw ebat
to biłêy emane weha
le pênawî kurdistan
be şanazî fîda bûn
befîřo biřon lenaw çin
derûnim lêm hate wełam
wełamêkî yekcar besam
nexêr hîç katê namirin
şehîdin, boşîy dił egirin
herçene bê gyan kewtibin
be barût û gulley dujmin
laşeyan helahela bê
be dûkeł řeş dagîrsabê
her zîndûn û lebîr naçin
mawin hîç katê namirin
ey daykanî řołekujraw
diłqirçawanî cergisûtaw
bizanin řołey şehîdtan
pêşmergekanî kurdistan
ke mawey jînyan têkoşan
bê tirs le jîn bebê kołdan
qet namirin û her mawin
êwemanan leber çawan
ew laşeyan ke kewtuwe
le řêy gela bext buwe
leser xak bê nazî êwe
be şanazî be ew şêwe
pirdî řêgay serkewtinin
hoy baweř behêz kirdinin
baweřî nîştimanperwerî
bê tirsan le derdîserî
kewate firmêsk meřêjin
şadîy derûntan menêjin
şanazî ken ke korpetan
bo nîştimantan pêgeyan
êstaş bextî ew řêyen
bo kurd saman û sermayen
xuşkekanim ... daykekanim
diłsozanî kurdistanim
êwen benirxtirîn miro
bo nîştiman heta emřo
kewa diłsoztirîn kesin
ey daykanî berzî mezin
be şîr û baweşî pîroz
belaylaye û be řeḧim û soz
pêtangeyan qaremanan
pêşmerge û xofîdakaran
bo wişey cwanî «řizgarî»
bo serbestî û fîdakarî
wekû emřo ke eybînîn
berew řûy dujminan eçîn
hemû korpey daykimanîn
pêşmergey řêy kurdistanîn
êweş şehîdin nemirdûn
kewate tuxwa têr binûn
le baweşî kurdistana
kurdistanî daykimana
ew kurdistaney ke têkřa
hemûtan wekû yek bira
xotan le pênawya dana
hergîz zîndûn hetaheta
herçend le xaka derdesin
êstaş piştîwan û kesin
bo řizgarîy em wiłate
ke gyanî êwey xełate