kurdistanî min
Li pirtûka:
Dwanî Şêrî Şehîd Osman Ozêrî
Berhema:
Osman Ozêrî (1936-1966)
3 Xulek
731 Dîtin
ey cêy azadxiwahîy kurdan
nîştimanî newey gurdan
toy ke kurdistanî minî
cîgey kurdanî meznî
baw û bapîr û ejdadman
legeł to bûn mawey jyan
xwênyan leser to řijawe
henaw û mêşkyan pijawe
her bo berzî û serbestîy to
cêgayan bû be herd û ko
ew gişt guł û gułałane
kewa řengyan sûr û cwane
şêwey xwênawî ewane
ke buwete ew gułane
yaxud seyrî řengî aso
ke xor lêy hełdê leserxo
pemeyîye û cwan û diłgîr
řa’ekêşê arezû û bîr
ta herkesê be twanay xoy
pya biłê herçî hat boy
yan ser lûtkey çyay befrîn
herwekû serpoşî zîwîn
leser tewqeserî çya
çaw ehênête maxolya
dîmenîşî hemeřenge
awazî ... coreha řenge
dengî poř elê kinaçe
xoştirêke le kemançe
kewîş herwa be qaspey xoş
dinya hemû dênête coş
dengî gerûy şimşałî şwan
mêgel ehênête ziman
awî tavge bewêney zîw
eřjête naw dołî newîw
yan bo naw çem dête xwarê
wekû zîw bê ke bibarê
înca beřû, mazû, çinar
tûtřikî çem, şingî kenar
dewen le qedpałî çya
gułałezerdey naw gya
goyj û hermê û sêwî sûr
nêrgis û wenewşe û çinûr
berî sûrî dar bełałûk
diřk û gełay sewzî xiřnûk
lencey liqupopî dar kewt
berbûnewey komełe cewt
belek legeł diřkî zerda
gułałey sûr lebin berda
kerteşî û pirçî hełałuk
bergî zibrî selke pîşok
diřkî kingir û nêrkehaz
tamî xoşî laske çawbaz
ask û çêrkî naw pawen
meřekêwî bebê xawen
nek diłê, sed dił sersame
nazanê cwanî lay kame!
înca were seyrî dêhat
diłit piř eka le xebat
katî mawwizay behare
dû bêrîy řanî êware
bařey berx û kar û bizin
hawarî şwan le destî jin
hetakû katî tewawbûn
kar û berxe û beyeka çûn
înca destey jin û kîjan
mencełe şîr leser serşan
hemû dênewe berew mał
be goranî û ziřey xirxał
emey ke basim kird hemû
tozê wesfî kurdistan bû
eger hemû bas kem tewaw
çî tya heye bête ber çaw
be milyoneha řûy defter
dwayî pê nahênê nûser
ca leber ewe gişt gyanim
heta dwa katî jyanim
qurbanîye bo nîştiman
nîştimanî hemû kurdan
eyperistim ta dwa tînim
ewe, hêzî gişt bînînim