serîn çî weser
Li pirtûka:
Şî’rekanî Turkemîr
Berhema:
Turkemîr (1750-1820)
2 Xulek
720 Dîtin
serîn çî weser ...
seyr hamseran, serîn çî weser
cûş cwanî werîn çî weser
mîhir û şadî, zewq werîn çî weser
ser byen we bar gerden je pîrî
gerdengîr tewq dam diłgîrî
pêşanî peřçîn nwîr beser kem
’eyn kefit ew ’eynek ’esa wiyerdem
beden bî we şar xirawey bê feř
tebił sem’ sikût mebhût we gûş keř
meḧasin wêney qutin ḧelîcen
çwî zedey ’eqreb e’zam îflîcen
tîr hem we dûdkan kwang zerd
çwî ferd tûdar tengerm û diłserd
pêşanî peřçîn nwîr jey řem kerde
kan gûş çwî gun hûřişge hwerde
je bînay meḧrûm tarberdey tem
aw je lêş carî çwî beḧreyn yem
qamet bî qumaş qed bî we qwet
peřey pişt çwî berd bin zimgey řûdet
bînî çwî kunay kwene bixarî
we xware mekê aw je lêş carî
lulu lefiz gifit muhûm we cefeng
dem bê dinan wêney pîr neheng
sîne muşebbek çwî laney zemûr
zemûr we zarî teyd medê we zûr
ney werter ne sał ne bîst ta sî bîm
çwî weḧiş û har herdem birsî bîm
je bîst ta we sî, daxił we çil bîm
wa’îzan je wa’îz, wew ’îzem wił bîm
seyr seyadê ser kawanim bî
mîhir ew ser sûzan leywer danim bî
lelay ḧakman ḧacet řewa bîm
je text tûmar tuşmał sewa bîm
hamdîwan je min serfan nimewerd
ye gişt ke wiyerd perê dax û derd
we turke watin, ey gurge pîre
watey turkemîrNasnava edebî cehanan gîre