çen tuẍray kełafdiwîziş ne dûşen

şîrîn ne dûşen
Li pirtûka:
Şî’rekanî Turkemîr
Berhema:
Turkemîr (1750-1820)
 1 Xulek  808 Dîtin
çen tuẍray kełafdiwîziş ne dûşen
xam çwî xeyatey syay ser cûşen
sehminak çwî bał beydaq qûşen
sef sef çwî sipay çawuş çawwişen
awêzey gûşey ’eyn ahûşen
merzencan mayl zewc gîsûşen
pey destey zułfiş nufil zêx nûşen
qîrasa qetran, mişk asa bûşen
ḧey asa ḧars ḧewş aẍûşen
zewcê gûşwarey tiłaş ne gûşen
gûşim je ziley zeheb utrûşen
cinaḧ munserf taq ebrûşen
neqşê ne mabeyn ebrûş menqûşen
nesb nepay ḧebey berq hwer sûşen
çwî hwer ne xawer xełq arzûşen
say zułfiş seywan qibey lîmûşen
biłatiş merê şay tiłapûşen
hindisan xerac xał hindûşen
çîn wew buzurgî behay yek mûşen
ne şîrîn hamlenc, ne leylî lûşen
ne sewł hambałay nimay nûşen
ferhadzedey zam bêstiwîn kûşen
qeys û nicd mebhût řûşnay řwîşen
her gil nigay naz nizaket xûşen
bextim ta xał xas dwîr je aẍûşen
pey qesas qetił min ziřepûşen