îbtîda be nam ḧeyî tewanger
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
4 Xulek
416 Dîtin
îbtîda benam ḧeyî tewanger
ferdî bê zewał xalîq ekber
şî’rê xoş meqal îkmal kem yekser
we xoş demaẍî dił bê mûkedder
wek yek xa’înen firzend û pider
bira we bira ’edu herdû ser
hamsa çe hamsa nimeko heder
biřwa nedaran çe xewf meḧşer
yewmen fe yewmen řoj çe řoj beter
mexlûq gumřahen bê xewf û xeter
lîsanen we yek mewan we çakir
wedem musłiman we dił çun kafir
çe gumřayî xełk çe mekir jenan
emnîyet nîyen çey wext û zeman
çe bed řayî xełk hezar el’aman
mubtelay fîsqen pîr çenî cwan
meger ke merden nîyen çe yadtan?
we kona lwa gişt ecdadtan
ey mał dinya kê berden we qebir
ḧewsełetan bo hem kerdê sebir
eger hezar sał ’umirit bo temam
’aqîbet mergen axir serencam
sed û bîst û çwar hezar pêẍember
hîç kes ey dunya newerden we ser
çend sełatînan çe pêşda dyan
çey dunyay fanî amanê û şyan
çendê milûkan gişt çe keyanyan
’aqîbet yekser giştiş fewtyan
çendê buzirgan çe eşkanîyan
çey karwan sera ber nekerden gyan
çendê padşahan çe sasanîyan
saḧêb zor û zat cîhan pehlewan
şerbet ezeł yekser kerden noş
çe derd mîḧnet gişt bîn feramoş
kemê hoştan bo fîrqey qewm lût
we yek mewaçdê derd û zeqnebût
yehûdî xeyber neyca ḧazren
er çun feřeng ban bê weswastiren
zemaney qeḧpe dewr sozanî
řastî emeye eger eyzanî
zumřey mechûlan gişt xatir şaden
zemaney zendîq dewr ...Teksta ne aşkira
qedîm xanedan gişt bî yextesar
cedîd meqbûłen neřoy řozgar
we řya karî desîse û diroẍ
heta meyawan we ḧedid bilûẍ
nicaة fî alkizbErebî ney weqit řewacen
fîrqey sadîqan daym muḧtacen
min sibir zifirErebî ney weqit nařasten
min sibir kifir siḧîḧaErebî řasten
qisey pêşînan ney wext çewaşen
merdim teqelaş perê me’aşen
ey dunya cîfen tałb kîlaben
çew bone weytewr xałman xeraben
fermûdey řesûł îzharen îmřo
ometiş mebo hefta û sê giro
yek giroş mebo we ehil necat
webê pirs û co yidxil alcinaةErebî
hefta û dû fîrqeş hem ehlî naren
cagey cehennem pêşan qeraren
her kesê maço min giroy nacîm
’emamey sifîd min kewa ḧacîm
mer xalîq we wêş zano kê xasen
sanî’ sen’et bê diro û řasten
mu’mîn ew kesen qelbiş bo selîm
bê şik me’waşen cinaة almin’îmErebî
muslîm ẍeyr muslîm her kes bo diłpak
’ezîzen çe lay ferd tenhay tak
çe zahîr sewab xeta penhanen
nêk û bed çe lay xalîq beyanen
we merd dana yek ḧerfê wesen
çe lay mechûlan giftem ’ebesen
me’lûmen çe lay ehil ’urefa
zumřey şa’îran nedaran wefa
řojê dû def’e ir nebo çayî
eḧwał perêşan çun mangay zayî
ekefim łe mał webê seda û deng
sed dadim çe dest qewm dił çe seng
xeylê car henen webê ciẍare
der naçim le mał çarim na çare
hîç kesê nałê mam mełła çonî
eger bipirsê egirim le řonî
hezar merḧeba naka yek fils
dadmen çe dest qewm yeqîn sis
bê sîdiq û yeqîn gişt şikem pers
meşẍuł we ẍeybet gewad û teres
çe zat xalîq hîç nimeken şerim
meşẍuł we cîfe ẍeybet germay germ
anma almumnunErebî maçan axuةErebî
we giroy kezab hezar li’inةErebî
fitne xo me’lûm çe qetił ekberen
ey bende axir tuxim beqeren
her kes neyca bo kerde xerawen
dyanet fewtyan her beḧsî awen
êstake dewran taze pyawen
fîrqey feqîran qiseş nabawen
ey bendey feqîr mu’ellîm gawen
tał’im neḧse ne toy quřawen
giftey małdaran we ban çawen
sinf feqîran cergiş çun qawen
sinf meẍrûran espiş wetawen
dîndarî qelîl îman çe pawen
ye mełła waten ne ’am řîswayen
sakin maway ’elî serayen