îbtîda be nam padşay qehhar
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
5 Xulek
295 Dîtin
îbtîda benam padşay qehhar
xal alimxiluqErebî şay lîl û niharErebî
ey şî’re nwîsnam wedłê zamdar
kyanam perêtan yaran dîndar
her posen bazař şay perurdigar
naz çenî nî’met medo we ḧîmar
her ko dana bo zebûn bîyen zar
wedest namerd bîyen giriftar
ḧeya dar daym bîyen şermezar
wedest bê ḧeya zelîl û zigar
hezar şikayet nimeyo wekar
mebo qanî’ bî we çar û naçar
ḧeya û ḧurmet neyca kerden bar
pare nimeko sed dad û hawar
bizan çon mebo ser encam kar
ne ey dar bîd wirçinîn esmar
me’lûm pênc seden hem nîmey hezar
her çend ḧesaw key her êden şumar
bê şewq û bê zewq diłim piř çe nar
key xełas mewîn cey zîndan tar
yeka yek koç kerd yaran salar
her min mendenan çe ey şon hewar
meger çe eltaf padşay cebbar
çe ey xaney kifir kerom řistigar
menziłman dûren hem giranen bar
hîç nimetawoş ey leş mirdar
fîrqey yaristan gişt bîyen we mar
bedî yek meken řojê hezar car
aşnay ezełî gişt bîyen we ẍar
bêganey ebed bîyen ta’et kar
zułim firawan bê ḧed û şumar
řêzyan wehem gişt pêşe û demar
’eceb wexîmen ser’encam kar
key îsłaḧ mebo ehil ey dyar
emnîyet lwan nemend î’tîbar
cewe lixisyanen cemî’î îqrar
her posen kirdar çerx keç řeftar
daxił byenmê hem we sał mar
ha çe çwar quřne peyda bî kuştar
řistaxêz sext hem qetił û qelar
beşerman meẍrûr saḧêbeluqar
sed dadim çe dest mîllet eşrar
mîn be’d çend řoj lîs fîh dyarErebî
cim’ alarazîErebî mebo we beyar
ḧekîm ḧazîq derd meko tîmar
bełê çe axir serencam kar
hem sebir û sebat lazmen emcar
teslîm bî weheq hem we gerden lar
çe dest mel’ûn ey nefis zordar
werne meḧałen bibîn řistigar
we şertê xuda çenît bibo yar
ser ḧirs û nefis biřêznî çun mar
er çe dest berşo liẍam û efsar
we řagey ẍełet mekerot îcbar
er qena’et key dił mo çun behar
kota xizmeten merd tem’ kar
nesîḧet êden biray xoş řeftar
dił azar newî çey ḧerf û giftar
ser biłindiman key çenam yar û ẍar
siř heqîqet nekirî îzhar
er silûk kerî weřay bed etwar
’izyetit medan we felaqe û dar
her kes weheq kerdenş îqrar
mebo kero terk hem namûs û ’ar
er wêney mensûr bikeraş wedar
diruẍ go nebo řast baço giftar
çe řoj ezeł çe sebit tomar
herçî nwîsya bo yek yek mo îzhar
’în alqilbErebî mesdûd ẍirîb aldyarErebî
çe destim berşî yar wefadar
eřagêłenan ne deşt û kosar
mest la yi’qilErebî be wêney xemar
be zûdî berşya ew çapûk swar
min mendim weca pyade û naçar
çe mah newroz yam çe penc û tar
umêd hen wînom çe no dîdey yar
dił kamyab bo çe wesił diłdar
mebo xawen mał gêło pey xewar
meger saḧêbim lêm bîyen bêzar
medom we xorak gurgan xunxar
bende bêzar nîm çe noşay ey jar
çey zemaney serd dił kerdim ’emar
te’ne medo lêm sîẍar û kîbar
çe dest ey mîllet çun seg hoşyar
meger we hîmmet padşay keremdar
kerem kero pêm ḧewsełey bisyar
afaq piř bîyen çe şorişt û nar
yaran ḧifiz kero xuday nîgehdar
lahûren şehirim bikyane mî’mar
weqten xełas bîn çey zułmat tar
sed felaqet ken wedar henar
çe řay heqîqet hîç newî şikdar
’eceb çewaşen yaran hoşyar
şans hate meydan fewtyan bextyar
çe ḧał û eḧwał bikerem îxbar
eger řeḧimit bo çe mangê dû car
wêney mewlewî ku mekem eş’ar
emma çi fayîde nîyen xiřîdar
bazařim kesas nemenden tucař
bifroşî weneş daney qîmmet dar
çe kunc xełwet weqit mekem îmrar
xastir çe nîştey qesir zeř nîgar
gewher şunasan bîyen nadyar
ham ferdim nemend çey dunyay ẍeddar
nefis mutme’în kerdenş fîrar
çe dest ḧîrs û nefis wêş dan çe pêwar
abłoqemşan dan yemîn û yesar
nefis emmare meko înḧîsar
weqîn û weqar çend mekem înzar
leşkir bedan ḧazren îḧzar
yekser kîne co hamsa û ham cwar
’aqbit alamirErebî texrîb mo ’ewar
eweł we řecay şay buraq swar
dwemîn we îmdad saḧêb zulfeqar
necatman bido çe şerarey nar
zelîlman neko wedest kuffar
qise hezare dwan dête kar
penca û no mesre’ kerdim îxtîsar