bira gyan yawa
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
258 Dîtin
bira gyan yawa ...
namey şîrînit wedestim yawa
xunçey derûnim çun guł şikawa
çe şewq û şadî midram we pawe
neyca nemenden şerim û ḧîcawe
hîç nayen weteng seyîd û bawe
qisûr nimeken le kar xerawe
dayk yektirî egêyn we pawe
key necat mewîn cey zeyd û qawe
axir serencam mewîn bed nawe
yekser lêxin bî mecray ser çawe
penaman we zat xwacay gişt kawe
her ce beyanî ta wexor awa
meşẍûłim peytan dest we do’awa
bêzarim ce dest ey naḧesawe
bêzar ce erkan řay bawełbawe
mełła çun xefaş meḧrûm aftawe
řagem kerden gum ce ey mahtawe
şeban ta be řoj ham le ẍawẍawe
ce kerdey dewran serman siř mawe
napuxte qałb derûn zuxawe
şadî û zewq û şewq ce lay paktawe
mełłay kor batîn dîde lêławe
xeł ey zeman xuday berdawe
murẍ derûnim laney fewtawe
şîrazey fîkirim temam biřawe
ce zahîr sewab xeta penhanen
nêk û bed ce lay xalîq ’eyanen